(Кыргыз) Видеочек: Фрунзе жөнүндө кадрлар качан тартылган, 1951-жылыбы, же 1959-жылыбы?

Sorry, this entry is only available in Кыргыз and Русский.

Factcheck.kg редакциясына окурманыбыз кайрылып, Facebook’та жарыяланган видероликти текшерип берүүнү өтүндү. Видеодон Фрунзе шаарынын архивдик кадрларын көрсө болот. Ролик “Мамлекеттик Архив” барагында жарыяланган. Аны жарыялаган автор видео 1951-жылы тартылган деп билдирген, бирок айрым колдонуучулардын пикиринде, тасма кечирээк, 50-жылдардын аяк ченинде жарык көргөн.

Factcheck.kg редакциясы архивдик кадрларды талдап чыкты.

Биз аныктагандай, бул роликтеги кадрлар Кыргыз мамлекеттик академиялык опера жана балет театрынын артисттери ойногон “Чолпон” тасма-балетинен алынган экен. Тасманы Ленфильмдин Ленинграддык студиясы жана Көркөм жана документалдуу фильмдер боюнча Фрунзе киностудиясы 1959-жылы тартышкан.

Ошентип, “Мамлекеттик Архивде” жарыяланган видеоролик 1951-жылы тартылбаган болот.

Ошондой эле кадрга түшкөн айрым объектилер боюнча тасма 1951-жылы тартылышы мүмкүн эмес экенин айтсак болот. Анын жандырмагы жөпжөнөкөй: ал объектилер ал кезде жок болчу.

Гидромелиоративдик техникум. Анын курулушу 1954-жылы аяктаган. 1960-жылдан баштап ал Полтехникалык техникум болгон.

Кыргыз мамлекеттик академиялык опера жана балет театры. Ал согушка чейин эле курула баштаган, бирок курулуш иштери 1955-жылы бүтүрүлгөн.

Кыргыз ССРинин Мамкурулушунун фонундагы ГАЗ-21 “Волга” автоунаасы. Бул модель расмий түрдө 1956-жылдын күзүнөн тартып чыгарыла баштаган – анда ноябрь майрамына карата беш автонуаа чогултулган болчу. Бирок анын конструкциясында айрым кемчиликтер болгондуктан ал маасалык түрдө 1957-жылдын жазынан бери гана чыгарыла баштаган. Фрунзедеги эң биринчи бул автоуна кадрга түшкөн күндө да, ал 1957-жылы же жазында, же жайында болгон.

Тыянак: калп. Жарыяланган кадрлар 1959-жылы жарык көргөн “Чолпон” тасма-балетинен алынган. Ошондой эле 1951-жылы али жок болгон айрым объектилер кадрга түшүп калган.