Коомдук транспорттогу койдун сүрөтү фейкпи?

Сумкасына кой салып алган  коомдук транспорттогу жүргүнчүнүн сүрөтү социалдык тармактарда кеңири тарап, кызуу талкууга алынды. Сүрөт 27-февралда пайда болгон.

Factcheck.kg аны кылдат текшерип көрдү.

1.     Алгач Magnifier кызматы аркылуу сүрөттү чоңойтуп, изилдейбиз. Койдун тегерегиндеги көрүнүш табигый эместей сезилет. Мындай көрүнүш эки учурда кездешет: сүрөттүн өлчөмү кичирейтилген учурда жана Feather функциясын Photoshop сервисинде колдонгон учурда. Бул анализ аркылуу сүрөт жасалма же жасалма эмес экенин так кесе айтуу мүмкүн эмес.

2. Андан соң сүрөттөгү каталардын деңгээлин (Error Level Analysis) иликтейбиз. Анда койдун башы башка объектилерден өзгөчөлөнбөгөнүн байкайбыз:

3. Fotoforensics кызматынын жардамы менен да койдун башка объектилерден өзгөчөлөнүп турбаганын аныктайбыз:

Эгерде фотомонтаж колдонулган болсо, койдун сөлөкөтү башка объектилерден айырмаланып турмак.

4. Сүрөттү текшерүүчү дагы бир сервис — Luminance Gradient Analysis. Ал компьютердик графиканы аныктайт.

Бир нече кызматты колдонуу менен, фотошоп элементтерин тапкан жокпуз.  Андыктан маалыматтын алгачкы булагын издейбиз.

Аны “Яндекс сүрөт” сервисинин жардамы менен  табабыз.

Сүрөт алгач Instagram социалдык тармагында 2017-жылдын 13-февралында ар түрдүү ракурста тартылып, жарыяланган. Мындан мурунку сүрөттөр табылган жок.

Жыйынтык: 

Сүрөт монтаждалган эмес. Ал алгач 2017-жылы жарыяланган.