Factcheck в КР Избранное

Президенттин Шотландияга болгон сапарына болжол менен 19.8 млн сом жумшалды

01.11.2021

Президенттин Шотландияга болгон сапарына болжол менен 19.8 млн сом жумшалды

31-октябрда өлкө башчысы Садыр Жапаров Глазго шаарына (Шотландия) учуп барганы айтылууда. Ал БУУнун климаттын өзгөрүүсү жөнүндө Алкактык конвенциясынын тараптарынын 26- конференциясына катышты.

Factcheсk.kg басылмасы президент саммитке кандай учак менен барганын жана ижара суммасын аныктаганга аракет жасады.

Flightradar24 сайтынан алынган маалыматтар боюнча  Air X Charter авиакомпаниясынын 9H-NYC номурлуу Embraer Lineage 1000 учагы 31-октябрда Бишкектен Престуик шаарына (Шотландия) учкан. Бишкек убактысы боюнча 13:30да чыгып 15:21де белгиленген шаарга конгон.

Air X Charter авиакомпаниясы тууралуу

Air X Charter – Мальталык жеке чартердик авиакомпания. Air X Charter Мальтадагы европалык авиаташыгычтын сертификаты бар жана 14 учак флотун башкарат. Башкы кеңсеси Мальтада, экинчиси Лондон шаарында жайгашкан.

 Учак тууралуу

Embraer Lineage 1000 (E190) – бизнес-класстагы реактивдүү учак. Ал Embraer авиакурулуш компаниясы тарабынан Бразилияда чыгарылат. Жогорку ылдамдыгы саатына/890 км, учуу алыстыгы 8344 км түзөт жана ичине 19 адамды батыра алат.

Учактын баасы болжолу менен 43.7 млн долларды түзөт.

9H-NYC номурлуу борт 11 жыл мурун куралган. Үстүбүздөгү жылы ал жалпысынан 6 рейс жасоого үлгүрдү.

Учактын ички көрүнүшү төмөндөгүдөй:

Учактын ижара баасы канча турат?

Мындай учактын ижара баасы болжолу менен саатына 12 000 евродон жогору, же 1.2 млн  сомду түзөт (КРУБ курсу боюнча). Бишкек-Прескуик рейси 8 саатка созулат. Андыктан бир тарапка учуунун болжолдуу баасы  96 000 еврону түзүүдө  (9.5 млн. сомго жакын). Ал эми учак менен кайра кайтуу жолун эсепке алсак, сапар болжолу менен  190-200 000 еврого (19.8 млн  сом) бааланат.

 Эмне үчүн президент өз учагы менен барган жок?

Маалыматтарга ылайык кабыл алуучу тарап президенттин ТУ-154 учагы техникалык жактан эскирип эл аралык талаптарга жооп бербегендиги үчүн алардын өлкөсүнө конууга мүмкүн болбогондугун эскерткен.

№1 борт – ТУ-154 учагы 1993-жылы чыккан. Россиялык ЖМКлардын маалыматы боюнча бул учакты 2006-жылы президент Владимир Путин Курманбек Бакиевге белек кылган. Кыргызстанда бул учак 12 жыл эксплуатацияланган, ал эми жалпысынан 25 жылдан бери колдонулуп келет.

Журналист, фактчекер, расследователь, редактор. Выпускник школы расследовательской журналистики TRACK. Соавтор ряда резонансных журналистских расследований.