Factcheck в КР Избранное

Кыргызстанга кирүү үчүн эмделүү жетишсизби?

15.12.2021

Кыргызстанга кирүү үчүн эмделүү жетишсизби?

6-декабрда Туризм департаментинин сайтында туристтерге жана туризм тармагынын өкүлдөрүнө кайрылуу жарыяланды. Анда коронавирус илдетинин жайылуусун алдын алуу боюнча иш-аракеттердин алгоритми көрсөтүлгөн

“Сиз Кыргыз Республикасына келгениңизде ПЧР тестинин терс жыйынтыгы болушу керек (72 сааттык убактан ашпаган) же COVID-19 коронавирусуна каршы вакцинаны (кагазда же санарип форматта) алгандыгыңыз тууралуу документ болушу керек”.

Factcheck.kg өлкөгө кирүү үчүн дагы эмне талап кылынарын текшерип көрдү.

Жогорудагы иш-аракеттердин алгоритмдери 2021-жылдын 8-июнунда, ал эми өлкөгө кирүүнү жөнгө салуучу пункттар 12 жана 19-июнда бекитилген.

Бирок дүйнөдө омикрондун пайда болушу менен 28-ноябрда Министрлер кабинетинин аппарат жетекчисинин орун басары Эдил Байсалов Саламаттыкты сактоо министрлигинин жана ДСУнун өкүлдөрү менен тиешелүү маалыматтар боюнча шашылыш жыйын өткөрдү.

Чогулуштун жыйынтыгы менен бир нече чечим кабыл алынды. 29-ноябрда Министрлер кабинети 2021-жылдын 1-декабрынан баштап өлкөдө омикрондун жайылышын алдын алууга багытталган иш-чаралардын аткарылышын жарыялады.

Жаңы талаптарга ылайык, Кыргызстанга кирүү үчүн чет өлкөлүк жарандар жана Кыргызстандын жарандары эмдөө статусуна карабастан, өлкөгө келер алдында алар менен коронавирустук инфекцияга ПЧР-тесттин терс анализин көрсөтүүсү керек.

9-декабрда өкмөттүн сайтында жакын арада республикада жүргөн бардык жарандардын маалыматтарын каттоонун электрондук формасы ишке киргизилери тууралуу маалымат пайда болгон. Ошону менен бирге Саламаттыкты сактоо министрлигине мамлекеттик чек арадан өткөндөрдүн ПЧР-тесттен өтүү убактысын келгенге чейин 72 сааттан 48 саатка чейин кыскартуу маселесин кароо тапшырылды.

Жыйынтык: жалган. Кыргызстанга кирүү үчүн эмделгендиги тууралуу документ эмес, ПЧР тесттин терс жыйынтыгы талап кылынат.

Журналист, фактчекер, расследователь, редактор. Выпускник школы расследовательской журналистики TRACK. Соавтор ряда резонансных журналистских расследований.