Темирлан Султанбековдун түз эфирдеги калпы - Factcheck
Factcheck Factcheck в КР Шайлоо 2020. Фактчек Избранное

Темирлан Султанбековдун түз эфирдеги калпы

17.09.2020

Темирлан Султанбековдун түз эфирдеги калпы

Коомдук телерадиокомпанияны түз эфиринде парламенттик шайлоого аттанган саясий партиялардын жаш өкүлдөрүнүн арасында дебаттар уланууда. 

16-сентябрь күнү болуп өткөн дебаттарда «Социал-демократтар», «Мекенчил», «Ыйман Нуру», «Республика» жана «Ордо» партияларынын жаш талапкерлери катышты.

 Дебат учурунда «Социал-демократтардын» өкүлү  Темирлан Султанбеков төмөндөгүдөй билдирүүлөрдү жасаган:

«Бишкек шаардык кеңешинин дээрлик бардык депутаттары — курулуш компанияларынын өкүлдөрү, ал жакка элден чыккан адамдар керек, социал-демократтар керек».

Мындан тышкары, алып баруучунун “шаар көйгөйүн бир гана шаардык кеңештин депуттары чечүүсү керекпи” деген суроосуна: “албетте,  алар ошон үчүн айлык алат”, деп так кесе айткан эле.  

Биз бул билдирүүлөрдү текшерип көрдүк.

Алгач Бишкек шаардык кеңешинин расмий сайтына баш бактык. Шаардык кеңештин курманыда 5 партиядан шайланган 45 депутат кирет.  Алардын ичинен 2016-жылда өткөн шайлоодо КСДП өкүлдөрүнүн саны көп— 13 мандат. Шаардык кеңештин төрагасы Жаныбек Абиров да КСДП партиясынан шайланган. 

“24.kg” сайтындагы маалыматка ылайык, шаардык кеңештин 14 депутаты курулуш бизнесине түздөн-түз тиешеси бар.  

Ал эми Бишкек шаардык кеңешинин депутаттарынын айлык алары тууралуу маалымат да чындыкка дал келген жок. Алар мыйзам чыгаруу иштери менен алектенбейт

Жыйынтык: жалган. 

  1. Бишкек шаардык кенешинин депуттарынын дээрлик бардыгы курулуш компанияларга тиешеси бар деген маалымат чындыкка дал келбейт.
  2. Шаардык кеңештин депутаттары коомдук негизде иш алып барат жана айлык маяна албайт.